Беларусь і Арменія адзначаюць 25-годдзе з дня ўсталявання дыпламатычных адносін

Наша краіна - важны гандлёвы партнёр Арменіі. За мінулы год тавараабарот склаў амаль 43 мільёны долараў, павялічыўшыся практычна на 33 % да ўзроўню 2016 года. За два з паловай дзесяцігоддзі двухбаковыя пагадненні, падпісаныя ў рамках узаемных візітаў, дазволілі сфарміраваць прававую базу, якая з'яўляецца трывалай асновай для развіцця супрацоўніцтва ў навукова-тэхнічнай, ваеннай сферы, у галіне навукі і адукацыі, турызму і эканомікі. Віншаванні Прэзідэнту Арменіі Армену Саркісяну па выпадку асаблівай даты накіраваў беларускі лідар. Аляксандр Лукашэнка падкрэсліў, што Мінск зацікаўлены ў працягу і ўмацаванні ўсебаковага партнёрства з Ерэванам, у тым ліку, у рамках рэалізацыі інтэграцыйных ініцыятыў і новых сумесных праектаў у розных сферах.