Беларусь і Інданезія маюць намер актывізаваць супрацоўніцтва

Актывізаваць эканамічнае і парламенцкае супрацоўніцтва, усталяваць кантакты ў сферы турызму і культуры - развіццё беларуска-інданезійскіх адносін абмеркавалі ў парламенце. З калегамі сустрэўся старшыня Палаты прадстаўнікоў Уладзімір Андрэйчанка. Прыярытэтным кірункам супрацоўніцтва застаецца нарошчванне тавараабароту, яго важна папаўняць і новымі пазіцыямі. І сёння гэта магчыма дзякуючы ўзаемадапаўняльнасці нашых эканомік. Перш за ўсё гэта дазволіць сур'ёзна нарасціць і дыверсіфікаваць экспарт беларускай прадукцыі на знешнія рынкі. Так, Мінск зацікаўлены ў павелічэнні паставак у Інданезію хлорыстага калію, аўтамабільнай і трактарнай тэхнікі.