Беларусь і Расія робяць стаўку на далейшую кааперацыю

Бяспека, авіябудаванне, кааперацыя, і, вядома, імпартазамяшчэнне. У падмаскоўным Нова-Агарове адбыліся перамовы Прэзідэнта Беларусі Аляксандра Лукашэнкі з расійскім калегам Уладзімірам Пуціным.

Сур'ёзны рост эканамічных паказчыкаў - гэта, мабыць, галоўнае, да чаго прывёў знешні ціск на краіны. Беларусы і расіяне сталі больш паспяхова працаваць разам. Прамысловая кааперацыя атрымала пазітыўнае развіццё з улікам таго, "як беларусы захавалі заводы". І зараз з выкананнем заказаў няма праблем.

Станкабудаванне і мікраэлектроніка, вялікагрузныя машыны і нават самалёты - гэтыя кірункі для бакоў зараз не канкурэнтныя, а партнёрскія.

Далейшая кааперацыя - тое, на што робяць стаўку абодва бакі. Прычым пасля візіту шматлікія расійскія аналітыкі загаварылі пра тое, што беларусы даўно лічаць сваім брэндам: уменне захоўваць і развіваць навуковыя школы і вытворчыя кластары.