Беларусь на Генасамблеі ААН заклікала адмовіцца ад РСМД

Беларусь у ААН заклікала свет адмовіцца ад ракет сярэдняй і малой далёкасці. Як адзначыў кіраўнік МЗС нашай краіны падчас выступлення на агульнай дыскусіі 74-й Генасамблеі, Мінск выступае за скарэйшую распрацоўку дэкларацыі аб неразмяшчэнні такіх ракет у Еўропе і адмову ад іх вытворчасці.

Акрамя таго, Мінск заклікаў краіны ААН прыняць меры для гарантавання міжнароднай інфармацыйнай бяспекі: неабходна пашырыць міждзяржаўнае лічбавае супрацоўніцтва. Яно можа стаць асновай для выпрацоўкі міжнародных правіл адказных паводзін у віртуальнай прасторы.