Беларусь - Польшча. Парламенцкая дэлегацыя Беларусі з візітам у Польшчы

Высокую ацэнку ўкладу Мінска ва ўрэгуляванне сітуацыі на ўсходзе Украіны выказалі ў Варшаве на сустрэчы ў МЗС з парламенцкай дэлегацыяй нашай краіны. Яе ўзначальвае старшыня Савета Рэспублікі Міхаіл Мясніковіч. Узровень візіту надзвычай высокі. Пра гэта гаворыць і той факт, што беларускую дэлегацыю прынялі прэзідэнт Польшчы і прэм'ер-міністр. У рамках афіцыйнага візіту адбылося падпісанне двухбаковага дагавора аб сацыяльным забеспячэнні. Развіццё супрацоўніцтва абмеркавалі і ў польскім сейме. Адзначым, Польшча падтрымлівае працэс паляпшэння адносін Беларусі і ЕС і зацікаўлена ў найхутчэйшым падпісанні пагаднення аб спрашчэнні візавага рэжыму. Заўтра наша дэлегацыя адправіцца ў Беласток.