Беларусь прапаноўвае ЦЕІ пашырыць партнёрства з іншымі інтэграцыйнымі аб'яднаннямі

Беларусь прапаноўвае Цэнтральна-Еўрапейскай ініцыятыве пашырыць партнёрства з іншымі інтэграцыйнымі аб'яднаннямі і структурамі. Пра гэта на міністэрскай сустрэчы ў Харватыі заявіў намеснік кіраўніка беларускага МЗС Яўген Шастакоў. Дыпламат падкрэсліў значнасць і запатрабаванасць ЦЕІ ў якасці платформы для развіцця дыялогу паміж дзяржавамі Еўропы аб умацаванні рэгіянальнай стабільнасці і бяспекі. Асаблівы акцэнт быў зроблены на неабходнасці развіцця лічбавай і транспартнай узаемазвязанасці ў рэгіёне. Удзельнікамі Цэнтральна-Еўрапейскай ініцыятывы з'яўляюцца 18 краін. У іх ліку - Аўстрыя, Венгрыя, Італія, Польшча, Румынія, Сербія, Чэхія, Украіна. Беларусь з’яўляецца членам ЦЕІ з 1996. А летась наша краіна старшынствавала ў арганізацыі.