Беларусь прыняла ўдзел у двух самітах - ЕАЭС і СНД

Насычаны на геапалітыку тыдзень. Беларусь прыняла ўдзел адразу ў двух самітах - ЕАЭС і СНД. Вядома, сітуацыя з COVID прадыктавала свае правілы – мерапрыемствы прайшлі ў анлайн-фармаце.

Саміт еўразійскай "пяцёркі" з гасцямі быў поўнасцю прысвечаны эканоміцы. Адзіны рынак газу, нафты і спрошчаная лагістыка – гэта тое, што нашым дзяржавам неабходна для якаснага скачку ў эканоміцы. Аляксандр Лукашэнка заўсёды паслядоўны ў сваіх прапановах і мэтах. Вось і падчас размовы ў фармаце Садружнасці Прэзідэнт таксама абазначыў свой ключавы пасыл: справімся на міжнароднай арэне - палітыка гэта або эканоміка - толькі адзіным фронтам.

Процідзеянне выклікам і ў першую чаргу санкцыям. У тым жа ЕАЭС выпрацавана шэсць пунктаў па рэагаванні на абмежавальныя меры. Эксперты краін Садружнасці ўпэўнены: еўразійскі рынак вялізны. І эканамічныя капрызы Захаду можна проста ігнараваць.

Прынцыповая пазіцыя беларускага боку - рухацца да мэтаў, закладзеных пры стварэнні арганізацый. Аляксандр Лукашэнка заклікаў краіны вырашаць такія важныя пытанні, як адзіны рынак газу, толькі пры асабістых зносінах. Наступны саміт ЕАЭС плануецца правесці 10 снежня ў Казахстане.