Беларусь выступае за паскарэнне рэалізацыі лічбавых праектаў у ЕАЭС

Многія праекты лічбавага парадку дня Еўразійскага саюза пакуль буксуюць. Вынікаў няшмат. Эканамічных за тры гады няма. Гэта заявіў беларускі прэм'ер Раман Галоўчанка сёння на форуме "Лічбавая перазагрузка. Рывок у новую рэальнасць". Ён праходзіць у Алматы на палях міжурадавага савета ЕАЭС. Беларусь выступае за сумесную рэалізацыю лічбавых праектаў "пяцёркі" і стварэнне выразнага ланцужка - ад ідэі да гатовага прадукта. Бо лічбавізацыя павінна вывесці на новы ўзровень рэальны сектар і гандаль краін - партнёраў ЕАЭС як унутры саюза, так і на міжнароднай пляцоўцы.

Гэтыя і іншыя праекты дэталёва разгледзяць ужо на пасяджэнні міжурадавага савета ЕАЭС. Спачатку ў вузкім, потым у шырокім складзе. На парадку дня 11 пытанняў. Ключавыя – зняцце бар'ераў і абмежаванняў, сумесная кааперацыя, а таксама фарміраванне агульных сыравінных рынкаў.