Беларускія і расійскія заканадаўцы гатовы да канструктыўнага супрацоўніцтва

Сёння ва ўмовах жорсткага санкцыйнага націску сумесная работа Беларусі і Расіі на заканадаўчым узроўні, развіццё міжпарламенцкіх сувязяў дапамагае больш дынамічна развіваць адносіны дзвюх краін. Аб гэтым напярэдадні гаварылі беларускія сенатары падчас сустрэчы са старшынёй Самарскай губернскай думы.

У Савеце Рэспублікі зацікаўлены ў супрацоўніцтве не толькі з Саветам Федэрацыі, але і з заканадаўчымі органамі расійскіх рэгіёнаў. Асаблівая ўвага ў нас надаецца гарантаванню нацыянальнай бяспекі. За апошнія гады прынята больш за 20 законаў, якія ўдасканальваюць гэтую сферу. Актыўна вядзецца работа са зваротамі грамадзян. А міжнароднае супрацоўніцтва верхняй палаты парламента накіравана на вырашэнне гуманітарных і эканамічных пытанняў.

Яшчэ адно галоўнае пытанне - гарантаванне харчовай бяспекі. Сёння Беларусь - важны стратэгічны і гандлёва-эканамічны партнёр рэгіёна.

Летась аб'ём узаемнага тавараабароту паміж нашай краінай і Самарскай вобласцю павялічыўся больш чым у 2,5 раза. На палях губерніі працуе больш за 55 % колавых трактароў, што вырабляюцца на прадпрыемствах Беларусі.