Беларускім дэпутатам неўзабаве прадставяць праграму дзеянняў абноўленага ўрада

Пра гэта паведаміў сёння спікер Палаты прадстаўнікоў Уладзімір Андрэйчанка. Пакуль праект дакумента актыўна абмяркоўваецца ў Кабінеце Міністраў. Дэпутацкаму корпусу даручана дэталёва разгледзець усе палажэнні праграмы з упорам на задачы пяцігадовага плану развіцця краіны, умовы для стварэння новых галін эканомікі і падтрымку малога і сярэдняга бізнесу. Зрэшты, гэтыя акцэнты дэпутаты павінны ўлічыць у сваёй працы ўвосень. Нагадаем, восеньская сесія парламента адкрыецца ў аўторак, 2 кастрычніка. На тыдні дэпутаты разгледзяць пытанне аб дачы згоды на прызначэнне прэм'ер-міністрам Сяргея Румаса.