Члены Савета Рэспублікі адобрылі ўнясенне змяненняў у законы аб прадпрымальніцтве

10 красавіка адбылося заключнае пасяджэнне 11-й сесіі Савета Рэспублікі 7-га склікання. Cенатары прынялі 2 законапраекты. Адзін з іх датычыцца змянення законаў прадпрымальніцкай дзейнасці. Ён карэкціруе Грамадзянскі, Крымінальны, Падатковы, Жыллёвы і Бюджэтны кодэксы. Будзе ўведзены асаблівы парадак (дзень у дзень) пераходу ІП у камерцыйную арганізацыю з пераемнасцю па ўсіх правах і абавязацельствах перад бюджэтам і контрагентамі.

Уводзіцца сістэма грантаў, а менавіта выдзяленне прадпрымальнікам сродкаў з мясцовых бюджэтаў на бязвыплатнай аснове, а таксама пакрыццё за кошт сродкаў рэспубліканскага бюджэту часткі капітальных выдаткаў, панесеных пры рэалізацыі інвестпраектаў з прыцягненнем крэдытаў Банка развіцця.