Што абмеркавалі ў Мінску на пасяджэнні Саўміна Саюзнай дзяржавы

Рашэнні, адобраныя на студзеньскім пасяджэнні Вышэйшага дзяржсавета Саюзнай дзяржавы, сталі арыенцірам для далейшай працы ў фармаце інтэграцыйнай "двойкі". Лагістыка, гарманізацыя мытных пошлін, сумесныя праекты, электронны лічбавы подпіс і прызнанне ўязных віз для грамадзян з трэціх краін. Гэтыя пытанні абмеркавалі сёння ў Мінску на пасяджэнні групы высокага ўзроўню Саўміна Саюзнай дзяржавы. У аснове асноў - прамысловая кааперацыя. Як адзначыў наш пасол у Расіі Дзмітрый Крутой, беларускія вытворцы атрымаюць доступ да фінансавых інструментаў падтрымкі ў Расіі. У нас ёсць пагадненне аб узаемным прызнанні тэхналагічных аперацый. Ужо завяршаецца фарміраванне прававой базы для адзінай прамысловай палітыкі. Фактычна мы ўраўнуем статус нашай прадукцыі з расійскай і наадварот. Узгоднены падыходы і па супрацоўніцтве ў крытычна важных галінах: мікраэлектроніцы, станкабудаванні. Там дзейнічаюць асобныя міжурадавыя пагадненні і дарожныя карты.