Дэлегацыя Камуністычнай партыі Кітая знаходзіцца з візітам у Беларусі

Пазнаць Беларусь знутры і паглыбіць сувязі для ўсебаковага развіцця адносін. Дэлегацыя Камуністычнай партыі Кітая на чале з намеснікам загадчыка міжнароднага аддзела Цэнтральнага камітэта партыі Чэнь Чжу гэтымі днямі знаходзіцца з візітам у нашай краіне.

Першым пунктам у насычаным графіку стала сустрэча з кіраўніцтвам братэрскай па духу Камуністычнай партыі Беларусі. Бакі абмеркавалі партыйнае супрацоўніцтва, перспектыўныя кірункі міждзяржаўнага ўзаемадзеяння, а таксама мірныя ініцыятывы Мінска і Пекіна на міжнароднай арэне. Як адзначыў першы сакратар ЦК Кампартыі Беларусі Аляксей Сокал, у нашых краін агульныя пункты судакранання і шляхі развіцця.