Дэлегацыя Латвіі сёння наведае Мінск з афіцыйным візітам

Беларусь працягвае развіваць міжпарламенцкае ўзаемадзеянне. Сёння Мінск з афіцыйным візітам наведае дэлегацыя Латвіі. Запланаваныя сустрэчы ў Палаце прадстаўнікоў, а таксама з кіраўнікамі беларускіх сілавых ведамстваў.

Галоўнымі тэмамі стануць бяспека, барацьба з карупцыяй, рэгуляванне памежнага і мытнага кантролю. Нададуць увагу і гандлёва-эканамічнаму блоку. Латвія - важны партнёр Беларусі ў Балтыйскім рэгіёне. У апошні час актыўна развіваецца ўзаемадзеянне ў інвестыцыйнай сферы, расце колькасць сумесных прадпрыемстваў. За мінулы год у нашай краіне зарэгістраваная 51 кампанія з удзелам латвійскага капіталу.