Эканамічныя паказчыкі Беларусі завязаныя на знешнім гандлі

Шмат у чым эканамічныя паказчыкі Беларусі завязаныя і на знешнім гандлі. І тут, вядома, адзін з ключавых партнёраў - Кітай.

Больш за тое, на тыдні споўнілася 29 гадоў, як Мінск і Пекін устанавілі дыпламатычныя сувязі. З нагоды чарговай гадавіны адбылася тэлефонная гутарка лідараў Беларусі і Кітая. Кіраўнікі дзяржаў абмяняліся цёплымі віншаваннямі. Аб чым яшчэ 45 хвілін гаварылі прэзідэнты? Безумоўна, аб сітуацыі з пандэміяй.

Як толькі КНР сутыкнулася з невядомай эпідэміяй, наша краіна стала першай, хто экстранна накіраваў гуманітарны груз з усім неабходным. А калі хваля закранула і нас, Кітай у даўгу не застаўся. Сам лідар КНР Сі Цзіньпін гаворыць, што супакойвацца пакуль рана. Таму краіны і надалей будуць аказваць адна адной усялякую дапамогу. Дарэчы, зрабіць прышчэпку ад каранавіруса беларусы зусім хутка змогуць і кітайскай вакцынай.

Гэта таксама адна з дамоўленасцяў прэзідэнтаў. Наша краіна заручылася палітычнай падтрымкай. Разам будзем супрацьстаяць знешнім пагрозам. Пекін зацікаўлены ў павелічэнні інвестыцый, Мінск - у пастаўках калійных угнаенняў. А яшчэ Аляксандр Лукашэнка і Сі Цзіньпін дамовіліся сустрэцца, як толькі сітуацыя з пандэміяй нармалізуецца. 2020-ы стаў найскладанейшым.

Дзіўна, але ў такі няпросты год сумесныя вялікія праекты выдужалі пад ударам эпідэміі. Добрыя вынікі паказвае гандаль. Прыкметна выраслі пастаўкі нашай сельгаспрадукцыі.