Федэрацыя прафсаюзаў Беларусі накіравала скаргу ў ААН на дзеянні Еўрасаюза

Зварот падрыхтаваны ў сувязі з прыняццем эканамічных санкцый у дачыненні да асобных беларускіх прадпрыемстваў і накіраваны ў адрас Савета па правах чалавека Арганізацыі Аб'яднаных Нацый.

Як адзначылі ў ФПБ, Еўрапейскі саюз неаднаразова прымаў рашэнні аб увядзенні неабгрунтаваных дыскрымінацыйных мер эканамічнага характару ў дачыненні да нашай краіны. Гэта супярэчыць асноватворным прынцыпам міжнароднага права. Таксама гэтыя меры не ўлічваюць пазіцыю ААН аб тым, што такія дзеянні амаль заўсёды аказваюць сур'ёзнае ўздзеянне на эканамічныя і сацыяльныя правы людзей, ушчамляюць права на працу і маюць далёкія негатыўныя наступствы для ўсяго насельніцтва дзяржаў, супраць якіх накіраваны такія меры. У сувязі з гэтым Федэрацыя прафсаюзаў Беларусі настойвае на прызнанні дзеянняў ЕС неправамернымі і просіць Савет па правах чалавека аказаць садзейнічанне ў адмене гэтых мер.