Галоўнае - бяспека дзяржаў: першыя падрабязнасці перамоў Аляксандра Лукашэнкі і Уладзіміра Пуціна

Галоўнае - бяспека дзяржаў. Гэтаму пытанню трэба надаваць усю ўвагу. Такое меркаванне сёння выказаў Аляксандр Лукашэнка падчас размовы з Уладзімірам Пуціным.

Перамовы адбыліся ў Канстанцінаўскім палацы ў Санкт-Пецярбургу. Лідары дамовіліся наконт сустрэчы загадзя, яшчэ 1 ліпеня, падчас тэлефоннай размовы. А сам візіт працягвае практыку рэгулярных асабістых сустрэч для абмеркавання актуальных пытанняў.

Аляксандр Лукашэнка падкрэсліў неабходнасць надаваць прыярытэтную ўвагу пытанням бяспекі Беларусі і Расіі. Сітуацыя ў свеце мяняецца вельмі імкліва, падзеі патрабуюць аналізу і своечасовай рэакцыі, у тым ліку на вышэйшым узроўні. Беларусь і Расія разам могуць эфектыўна супрацьстаяць эканамічнаму націску звонку. Аляксандр Лукашэнка адзначыў, што гэта адно з галоўных пытанняў, якім неабходна займацца, і краіны вытрымаюць гэты ўдар.

Індывідуальны тэрор - новы этап каляровай рэвалюцыі

Беларусь апошнім часам традыцыйна ў цэнтры геапалітычных працэсаў. Сёння на парадку дня наступны этап так званай каляровай рэвалюцыі. Індывідуальны тэрор і націск на тых, хто актыўна выступаў за дзяржаву.

У сваю чаргу расійскі лідар адзначыў, што Беларусь выконвае ўсе фінансавыя абавязацельствы, нягледзячы на санкцыённы націск Захаду. У няпростых умовах забяспечана стабільная праца эканомікі.

Гістарычная платформа і ў палітыцы, і ў эканоміцы - той падмурак, які дазваляе Беларусі і Расіі развівацца нават у самых складаных умовах. Цяперашні міжнародны кантэкст толькі ўзмацняе інтэграцыю з надзейнымі партнёрамі.