У Мінску сфарміравана гарадская і акруговыя камісіі для правядзення адзінага дня галасавання

У Мінску сфарміравана гарадская і акруговыя камісіі для правядзення адзінага дня галасавання. Рашэнні па кандыдатурах прынятыя падчас пасяджэння прэзідыума Мінскага гарвыканкама і гарадскога Савета дэпутатаў. На тэрыторыі горада створана 20 акруговых камісій. У кожнай па 13 чалавек. Усяго вылучана 278 кандыдатур. 77 чалавек накіраваныя ад чатырох палітычных партый, астатняя частка прыпадае на грамадскія аб'яднанні, грамадзян і працоўныя калектывы. Выкананы і важны прынцып: дзяржслужачыя не перавышаюць траціны саставу камісіі.

Ужо заўтра камісіі пачнуць працаваць. У Мінскай гарадской і акруговых будуць выбраны кіруючыя органы, пасля арганізуюць дзяжурствы, у тым ліку для рэгістрацыі ініцыятыўных груп. Этап вылучэння кандыдатаў у дэпутаты пачнецца з 17 снежня.