І. Петрышэнка аб выніках пасяджэння Еўразійскага міжурадавага савета

Урады краін еўразійскай "пяцёркі" знаходзяць рашэнні па самых адчувальных пытаннях развіцця інтэграцыі. Такі вынік чарговай сустрэчы прэм'ер-міністраў ЕАЭС. Яна завяршылася напярэдадні ў Кыргызстане. Разгледжаны шэраг ключавых задач. Па-першае, меры падтрымкі экспарту падчас паставак тавараў у трэція краіны. Бакі разлічваюць на аператыўную распрацоўку пагаднення. Яно гарантуе страхавую падтрымку па экспартных рызыках. Таксама на сустрэчы абнавілі пералік бар'ераў на ўнутраным рынку "пяцёркі", якія трэба ўхіліць у найбліжэйшыя гады. У прыярытэце - транспарт. Дамовіліся актывізаваць супрацоўніцтва з Кітаем па лініі дастаўкі грузаў па чыгунцы. Хуткасці вырастуць! Акрамя таго, прэм'еры абмеркавалі актуальнае пытанне стварэння агульных рынкаў газу, нафты і нафтапрадуктаў.

Па выніках перамоў стала вядома, што наступны міжурадавы савет прыме Ерэван. Ён адбудзецца ў кастрычніку. Актуальны еўразійскі парадак абмяркуюць і на вышэйшым узроўні: дадатковае пасяджэнне Вышэйшага еўразійскага эканамічнага савета пройдзе ў Мінску. І таксама ў кастрычніку.