Вынікі перамоў А. Лукашэнкі і У. Пуціна ў Крамлі

Прэзідэнты Беларусі і Расіі ўзгаднілі ўсе 28 саюзных праграм. Аб гэтым стала вядома напярэдадні. Па выніках перамоў лідары выступілі на сумеснай прэс-канферэнцыі.

Мінск і Масква - паўнапраўныя партнёры, што інтэграцыйны пакет і адлюстроўвае ў поўнай меры. Нафтавая сфера, адзіны Падатковы кодэкс, атамная энергетыка - эксперты ўлічылі кожны аспект эканамічнага збліжэння, дамовіліся нават аб пераходзе да агульнай прамысловай палітыкі. А гэта доступ да дзяржзакупак і дзяржзаказу.

Яшчэ адно прынцыповае рашэнне - цэны на блакітнае паліва для нашай краіны застануцца ранейшымі і ў наступным годзе - гэта 128 з паловай долараў за тысячу кубаметраў. А ўжо ў 2023-м рынак газу аб'яднаюць. Дарэчы, у краінах ЕС сёння вуглевадарод 650 долараў за тую ж тысячу кубаметраў. Зноў жа ўсё гэта частка эканамічнай інтэграцыі. Палітыка - па-за дыскусіямі.

Заранулі ў размове з журналістамі Аляксандр Лукашэнка і Уладзімір Пуцін складаную тэму Афганістана, з ім і бежанцаў, якія рынулі ў Еўропу.

10 верасня саюзны Саўмін у Мінску разгледзіць усе 28 праграм. Канчатковы штамп "зацверджана" інтэграцыйны пакет атрымае ў другой палове восені на пасяджэнні Вышэйшага дзяржсавета Саюзнай дзяржавы. Таксама стала вядома, што Мінск і Масква знімуць усе кавідныя абмежаванні на авіязносіны паміж дзвюма краінамі.