Якаснае ўзаемадзеянне. Даверчыя граматы ўручылі прэзідэнту Беларусі паслы замежных дзяржаў

Эфектыўнае супрацоўніцтва з надзейнымі партнёрамі. Наконт геапалітыкі і эканомікі гаварылі сёння на цырымоніі ўручэння даверчых грамат пасламі замежных дзяржаў.

Гэта ўжо другое мерапрыемства за два тыдні. На гэты раз у Палацы Незалежнасці ў Мінску госці з сямі дзяржаў. Афіцыйны старт дыпламатычных місій пацвердзілі Кітай, Ізраіль, Пакістан, Бангладэш, Камбоджа, Намібія і Мальтыйскі ордэн. У размове прэзідэнт зрабіў акцэнты на важных падзеях у краіне. Беларусы даказалі, што здольныя абараніць суверэнітэт, незалежнасць і тэрытарыяльную цэласнасць дзяржавы. Вялікі вопыт апошніх месяцаў лёг у аснову дыялогу аб будучыні Беларусі. І дыпламаты таксама стануць гасцямі знакавага Усебеларускага народнага сходу, дзе вырашаць найважнейшыя пытанні развіцця беларускай дзяржавы будзе менавіта народ.

З кожнай з дзяржаў свае пункты росту. З Ізраілем - гістарычны вопыт у барацьбе з нацызмам плюс напрацоўкі ў сферы высокіх тэхналогій і турызму. З Мальтыйскім ордэнам развіваецца гуманітарны вектар. Пасля адкрыцця дыпмісій з Пакістанам сапраўдны прарыў ва ўсіх сферах. Для Бангладэш, Камбоджы і Намібіі канкрэтныя прапановы ў эканоміцы і гандлі. А ўзровень і важнасць партнёрства з Кітаем цяжка пераацаніць. Тут і глабальная ініцыятыва КНР "Пояс і шлях", і ўбудаваны ў яе індустрыяльны парк "Вялікі камень", і тавараабарот больш чым на 4,5 мільярда долараў. Беларусь гатова да супрацоўніцтва з усімі краінамі.

Для дыпламатаў праца ў Беларусі - новы выклік у кар'еры. У кожнага свой падмурак і стартавы ўзровень супрацоўніцтва. Пасол Кітая адзначыў важнасць высокага асабістага даверу лідараў дзяржаў.

Якаснае ўзаемадзеянне і аб'ектыўная ацэнка жыцця нашай краіны. Паслы замежных дзяржаў наладжаны на канструктыў і пошук новых фарматаў узаемавыгаднага супрацоўніцтва.