Лаўроў: Самым першым актам саміту ў Астане будзе афіцыйнае прыняцце Беларусі ў ШАС

Беларусь разлічвае на ўступленне ў ШАС на саміце ў Астане. Ён пройдзе 3 і 4 ліпеня. Расійскі бок аказаў у гэтым немалое садзейнічанне нашай краіне.

Прэзідэнт асабіста выказаў словы падзякі за праведзеную працу міністру замежных спраў Расіі. У Палацы Незалежнасці сёння прайшлі перамовы Аляксандра Лукашэнкі і Сяргея Лаўрова. Кіраўнік знешнепалітычнага ведамства ў Мінску - з афіцыйным візітам. Наш Прэзідэнт падкрэсліў важную ролю МЗС Беларусі і Расіі на саюзным трэку. Іх праца - прыклад для іншых ведамстваў нашых краін. Садзейнічанне паўнавартаснаму ўступленню Беларусі ў шанхайскую сям'ю складана пераацаніць.