Лукашэнка: Наша краіна можа выступіць донарам харчовай бяспекі

"Беларусь заўсёды за мірнае вырашэнне любых міжнародных праблем. Так было раней, так ёсць і зараз, калі Украіна стала полем бітвы братэрскіх народаў". Такую заяву сёння зрабіў Прэзідэнт, прымаючы даверчыя граматы дыпламатаў розных краін.

Прэзідэнт прыняў даверчыя граматы паслоў замежных дзяржаў

11 паслоў пачынаюць працу ў нашай краіне, падаючы афіцыйны дакумент, які дазваляе ім гаварыць ад імя сваёй дзяржавы. Даверчыя граматы Прэзідэнту ўручылі дыпламаты з ААЭ, Аргенціны, Бразіліі, Босніі і Герцагавіны, Кубы, Швейцарыі і шэрагу іншых краін. Пасля Аляксандр Лукашэнка звярнуўся да паслоў. Кіраўнік дзяржавы падкрэсліў, што пачатак місій прыпадае на знакавы для беларусаў перыяд. Краіна нядаўна адзначыла Дзень народнага адзінства. У сваёй гісторыі на нашу долю выпала нямала выпрабаванняў. Але мужнасць і стойкасць дазволілі нам выстаяць і ўз'яднацца. І сёння, калі ўсё мацней гучаць рэваншысцкія заявы з Захаду, а ваенны патэнцыял ля нашых меж толькі нарастае, Беларусь, як і раней, заклікае ўсіх сесці за стол перамоў.

Прэзідэнт: Канфлікт братэрскіх народаў - вынік стратэгічных інтрыг і найвялікшай дурасці заходніх палітыкаў

Але голас дыпламатыі сёння чуюць не ўсе. Затое заявы пра харчовы крызіс гучаць усё мацней. Аляксандр Лукашэнка зазначыць, што наша краіна ўдосталь забяспечвае сябе прадуктамі харчавання і можа выступіць донарам харчовай бяспекі для іншых.

Гатовы Мінск размаўляць і па пастаўках калійных угнаенняў. Тут усё таксама ўпіраецца ў палітычную волю заходніх чыноўнікаў і імі навязаныя перашкоды. У сваю чаргу краіны, якія прыслалі паслоў у Мінск, відавочна гатовыя наладжваць адносіны і заключаць выгадныя здзелкі. Дарэчы, настрой у дыпламатаў пазітыўны. З той жа Аргенцінай будзем нарошчваць гандаль і распрацоўкі ў прамысловасці.

Прэзідэнт сёння звярнуўся да кожнага пасла. З усімі краінамі Беларусь гатовая супрацоўнічаць і развіваць добрыя, узаемавыгадныя адносіны.