Лукашэнка аб рабочым візіце ў Расію: Атрымалася ўзгадніць шматлікія пытанні

Зносіны лідараў СНД сёння працягваюцца ўжо ў фармаце рабочага снедання. Пляцоўка нефармальнага саміту першых асоб Садружнасці стала зручным месцам для двухбаковых кантактаў. Шчыльна мелі зносіны Аляксандр Лукашэнка і Уладзімір Пуцін.

Прэзідэнты Беларусі і Расіі прыехалі разам на снеданне. Раніцай Пуцін асабіста заехаў па беларускага калегу. Размова лідараў праходзіла ў інтэр'ерах Рускага музея. Архітэктурна-мастацкі комплекс размешчаны ў гістарычным цэнтры Санкт Пецярбурга. Літаральна тыдзень назад адбыліся грунтоўныя беларуска-расійскія перамовы з удзелам урадавых пулаў: у цэнтры ўвагі былі пытанні бяспекі і эканомікі. Мінскі дыялог прадоўжылі ў Піцеры.

Пераднавагоднія нефармальныя сустрэчы кіраўнікоў дзяржаў СНД ужо сталі добрай традыцыяй. Запрашэнне Пуціна сабрацца ў Санкт-Пецярбургу прыняў не толькі Аляксандр Лукашэнка. Прыбылі прэзідэнты Казахстана і Таджыкістана, кіраўнікі Узбекістана і Туркменістана, таксама лідар Азербайджана і кіраўнік Кыргызстана. Прыехаў прэм'ер Арменіі. Гэта магчымасць падвесці вынікі няпростага 2022-га і абмеркаваць планы на будучыню.

Прэзідэнт Беларусі зрабіў па просьбе журналістаў прагноз на маючы адбыцца год. Ён будзе ўдалым, лічыць Аляксандр Лукашэнка!

Напярэдадні зносіны стартавалі ў Прэзідэнцкай бібліятэцы імя Ельцына. Сустрэча пацвярджае імкненне і далей разам выбудоўваць супрацоўніцтва на прасторы СНД у духу партнёрства. Нягледзячы на рознагалоссі, якія ёсць у Садружнасці, імкнуцца вырашаць усе праблемы разам. Адным з ключавых кірункаў супрацоўніцтва ў аб'яднанні - умацаванне бяспекі і стабільнасці ў Еўразійскім рэгіёне. Што тычыцца эканомікі, то яшчэ шмат працы па ўхіленні бар'ераў і недапушчэнні пратэкцыянізму.