Лукашэнка адказаў на пытанне аб удзеле ў прэзідэнцкіх выбарах у 2025 годзе

Прэзідэнт Беларусі Аляксандр Лукашэнка на сустрэчы з журналістамі замежных і беларускіх СМІ адказаў на пытанне аб удзеле ў прэзідэнцкіх выбарах у 2025 годзе,паведамляеБЕЛТА.

"Я пакуль яшчэ аб прэзідэнцкіх выбарах нават не задумваўся. Сапраўды. І не планаваў. Толькі ў плане разваг: а што будзе пасля мяне? Толькі ў гэтым ключы. А так я абсалютна нічога не планаваў", - сказаў Аляксандр Лукашэнка.

Што да прэзідэнцкіх выбараў у Расіі, якія павінны адбыцца ў 2024 годзе, кіраўнік дзяржавы расказаў, што не абмяркоўваў гэтае пытанне з расійскім калегам Уладзімірам Пуціным. "Ды мяне гэта і не цікавіць. Чаго я буду чалавеку ў душу лезці. Калі ён прыме рашэнне, ён мне скажа пра гэта. Пакуль не гаварыў", - адзначыў Прэзідэнт.

У той жа час Аляксандр Лукашэнка звярнуў увагу, што зараз, згодна з сацыялагічнымі даследаваннямі, ва Уладзіміра Пуціна высокая падтрымка сярод насельніцтва.