Міжнародны эканамічны форум дзяржаў - удзельнікаў СНД. Садружнасці - 30 гадоў

Пытанні эканомікі, у прыватнасці, свабодны гандаль без бар'ераў і прамысловая кааперацыя маюць ключавое значэнне ў год старшынства Беларусі ў СНД. Гэта агучыў сёння беларускі віцэ-прэм'ер Ігар Петрышэнка. Міжнародны эканамічны форум дзяржаў - удзельнікаў СНД прайшоў у фармаце анлайн.

Пандэмія паказала: адносіны трэба толькі ўмацоўваць. Інтэграцыйныя працэсы на прасторы СНД носяць шматузроўневы характар, праца па іх спалучэнні працягнецца. А прынятыя рашэнні павінны адлюстроўвацца на простых грамадзянах.

Як адзначыў віцэ-прэм'ер, восенню плануецца правесці форум па інвестыцыйным супрацоўніцтве краін СНД. Патэнцыяльная пляцоўка - Беларусь. Мерапрыемства будуць рыхтаваць у вочным фармаце.