МЗС Беларусі адрэагавала на санкцыі ЗША

У святле апошніх падзей выклікае вялікае пытанне і тая паспешнасць, з якой ЗША прынялі рашэнне аб аднаўленні антыбеларускіх санкцый. У сувязі з гэтым Міністэрства замежных спраў нашай краіны распаўсюдзіла заяву, у якой адзначана, што на фоне найсур'ёзных унутраных праблем, якія сёння ва ўсіх на слыху, новая адміністрацыя ЗША "са скуры вылузваецца", каб на кім-небудзь прадэманстраваць сваю жорсткасць і псеўдапрынцыповасць. Інтарэсы бізнесу, звычайных беларусаў або амерыканцаў, бяспекі і стабільнасці ў рэгіёне і свеце ў дадзеным працэсе для Вашынгтона не маюць ніякага значэння. Магчыма таму, што адплачвацца за наступствы такіх безадказных учынкаў нашаму рэгіёну зноў прыйдзецца самастойна.

У знешнепалітычным ведамстве таксама падкрэслілі, што суверэнітэт і незалежнасць - няўхільныя для беларускага народа каштоўнасці: "Амерыканскаму боку даўно пара зразумець, што ў гэтых пытаннях не будзе кампрамісу. Рэспубліка Беларусь - краіна, якая можа пастаяць за сябе, не прымае пануквання, не кіруецца звонку і не паддаецца ўздзеянню санкцый і абмежаванняў. Прыняцце гэтых простых ісцін дапаможа рашэнню ўзаемных праблем".

, - заявілі ў МЗС.