МЗС Беларусі заклікае да хутчэйшай дээскалацыі канфлікту на Блізкім Усходзе

Працягвае нарастаць канфлікт на Блізкім Усходзе. За мінулыя суткі толькі ў Газе і на Заходнім беразе Іардана загінулі 16 чалавек. Больш чым 6 соцень пацярпелі. На працягу ўсёй мінулай ночы палесцінцы абстрэльвалі поўдзень Ізраіля. Дзясяткі ракет былі запушчаны ў напрамку гарадоў Ашдод, Здэрот і Беэр-Шэва. Ізраіль адказвае сваімі ўдарамі. Раніцай Узброеныя сілы краіны паразілі дзясяткі ваенных аб'ектаў радыкальнай групоўкі ХАМАС у сектары Газа.

Да хутчэйшай дээскалацыі сітуацыі ў зоне палесціна-ізраільскага супрацьстаяння рашуча заклікае МЗС Беларусі. Пры гэтым у ведамстве падкрэслілі, што Беларусь заўсёды паслядоўна выступае за прымат міжнароднага права ў міждзяржаўных адносінах.

Абвастрэнне сітуацыі на Блізкім Усходзе выклікае ланцуговую рэакцыю па ўсім свеце. Сутыкненнямі з паліцыяй завяршыўся прапалесцінскі мітынг у Капенгагене. Усяго да акцыі далучыліся каля 4 тысяч чалавек. Група дэманстрантаў закідала праваахоўнікаў камянямі ля будынка пасольства Ізраіля. Вартавыя парадку адказалі слёзатачывым газам і дубінкамі. Некалькіх актывістаў затрымалі.