МЗС Беларусі: санкцыі ў дачыненні нашай краіны незаконныя

Звярнуць увагу на ўласныя праблемы заклікае афіцыйны Мінск еўрапейскіх калегаў. Чарговую антыбеларускую рэзалюцыю пракаменціравалі парламентарыі і дыпламаты.

Прадстаўнік знешнепалітычнага ведамства адзначыў, што санкцыі Еўрасаюза ў дачыненні нашай дзяржавы незаконныя. Гэта інструмент ціску, "які парушае базавыя правы насельніцтва суверэнных краін, супраць якіх гэтыя меры накіраваныя".

Мінск заўсёды гатовы весці дыялог, але толькі раўнапраўны і ўзаемапаважлівы. У МЗС раяць еўрадэпутатам замест абмежаванняў і санкцый падумаць над тым, як паспрыяць узаемавыгаднаму супрацоўніцтву суб'ектаў гаспадарання нашых краін.