Міністр замежных спраў Сірыі Басам Сабаг знаходзіцца з візітам у Беларусі

Міністр замежных спраў і па справах экспатрыянтаў Сірыі Басам Сабаг наведвае з рабочым візітам Беларусь, піша БЕЛТА.

У Мінску Басам Сабаг правядзе перамовы з міністрам замежных спраў Максімам Рыжанковым. Чакаецца, што ён таксама возьме ўдзел у II Мінскай міжнароднай канферэнцыі па еўразійскай бяспецы.

У верасні Максім Рыжанкоў і Басам Сабаг правялі сустрэчу на палях 79-й сесіі Генеральнай Асамблеі ААН у Нью-Ёрку. Міністры абмеркавалі праекты па аднаўленні інфраструктуры і эканомікі Сірыі, працяг аздараўлення сірыйскіх дзяцей у Беларусі, узаемную падтрымку ў міжнародных арганізацыях і сітуацыю ў рэгіёне.