Мінск і Баку падпісалі дакументы аб супрацоўніцтве ў нафтавай сферы

Беларусь і Азербайджан дамовіліся перайсці на новую стадыю кааперацыі ў эканамічным супрацоўніцтве.Аб гэтым заявіў Аляксандр Лукашэнка па выніках перамоў з Ільхамам Аліевым у рэзідэнцыі "Загульба". Бакі таксама падпісалі дакументы аб супрацоўніцтве ў турызме, энергетыцы і нафтавай галіне. Такія крокі закліканыя ўмацаваць і без таго добрыя адносіны Мінска і Баку.

На сустрэчы з журналістамі Аляксандр Лукашэнка адзначыў, што Беларусь вітае поўнае спыненне ваенных дзеянняў у Нагорным Карабаху. Беларускі лідар выказаў надзею, што апошнія дамоўленасці паміж бакамі канфлікту стануць асновай міру ў рэгіёне.