Мінск і Пакістан абмяркуюць узаемадзеянне ў палітыцы, эканоміцы, навуцы і культуры

Беларусь працягвае развіваць міжнароднае супрацоўніцтва. Узаемадзеянне ў палітыцы, эканоміцы, навуцы, культуры Мінск абмяркуе з Пакістанам.

У Ісламабад прыбыў кіраўнік МЗС нашай краіны. Запланаваны перамовы Сяргея Алейніка як з афіцыйнымі асобамі, так і з прадстаўнікамі дзелавых колаў Ісламскай Рэспублікі: падчас сустрэчы з міністрам замежных спраў Пакістана размова пойдзе і пра міжнародны парадак, і ўзаемадзеянне дзвюх краін у міжнародных арганізацыях. Асаблівая ўвага будзе нададзена кааперацыйнаму супрацоўніцтву, рэалізацыі сумесных праектаў у гандлёва-эканамічнай сферы. Па выніках чакаецца падпісанне шэрагу значных для развіцця двухбаковых адносін дакументаў.