Мінск і Сочы сталі гарадамі-пабрацімамі

Новы ўзровень рэгіянальных сувязей: Мінск і Сочы сталі гарадамі-пабрацімамі. Пагадненне аб устанаўленні дружалюбных адносін падпісалі сёння на пасяджэнні рабочай групы па супрацоўніцтве Беларусі і Краснадарскага края.

Акрамя гэтага, кіраўніцтва беларускай сталіцы і дэлегацыя з расійскага горада-курорта сустрэліся ў мэрыі. Пытанняў шэраг: ад эканомікі і прадпрымальніцтва да турызму і сацыяльнай сферы. Асаблівы акцэнт робяць на выхаванне моладзі. У прыватнасці, кіраўніцтва Сочы праявіла цікавасць да нашых патрыятычных клубаў. Яшчэ адным вектарам дыялогу стала праца жыллёва-камунальнага комплексу. Мінск падзяліўся вопытам будаўніцтва смеццесартавальнага завода і праектам па пераходзе на артэзіянскую ваду. У праграме таксама візіты на профільныя прадпрыемствы.

Супрацоўніцтва ўзаемавыгаднае: тавараабарот паміж Мінскам і Краснадарскім краем расце. Толькі за 7 месяцаў гэтага года перавысілі адзнаку 95 мільёнаў долараў. Сочы стаў 34-м горадам-пабрацімам беларускай сталіцы.