Мінск - Нью-Дэлі: у пошуках варыянтаў для пашырэння партнёрства

Прэзідэнт напярэдадні сустрэўся з паслом Індыі Сангітай Бахадур, якая завяршае дыпмісію ў Беларусі.

Аляксандр Лукашэнка падзякаваў дыпламату за працу, якую яна правяла за невялікі тэрмін у нашай краіне, і выказаў спадзяванне, што жаданне наладжваць добрыя і прадуктыўныя адносіны будуць у прыярытэце і ў наступнага пасла. Важна аб'яднаць намаганні і зрабіць некалькі крокаў да больш цеснага супрацоўніцтва.

Індыя - найбуйнейшы партнёр Беларусі ў Паўднёвай Азіі і трэцяя эканоміка свету. У цэлым за два дзесяцігоддзі супрацоўніцтва тавараабарот паміж нашымі краінамі вырас у 10 разоў. Летась у агульнай скарбонцы - больш за паўмільярда долараў. Аснова нашага экспарту - калійныя ўгнаенні, грузавікі і прадукцыя спецпрызначэння. Беларусь таксама шырока прадстаўлена ў Індыі на рынку нафтапрадуктаў, сельскай гаспадаркі і сферы IT-тэхналогій.