На нарадзе ў Маскве абмеркавалі пытанні бяспекі ў дзяржавах СНД

Процідзеянне фінансаванню тэрарызму, пошук спячых ячэек ІДІЛ, сумесныя антытэрарыстычныя вучэнні. Сёння ў Маскве начальнікі штабоў антытэрарыстычных цэнтраў дзяржаў СНД абмеркавалі пытанні бяспекі ў краінах Садружнасці. Асноўныя тэмы нарады - складаная сітуацыя ў сірыйска-іракскай і афгана-пакістанскай зонах. Паводле ацэнак экспертаў, сёння толькі ў Афганістане дзейнічаюць больш за 20 тэрарыстычных груповак.

Кіраўнікі антытэрарыстычных цэнтраў абмеркавалі пытанні процідзеяння фінансаванню тэрарызму, абмяняліся вопытам гарантавання бяспекі на буйных міжнародных мерапрыемствах.. Гэта тычылася II Еўрапейскіх гульняў, якія гэтым летам пройдуць у Беларусі. Таксама гаварылі аб падрыхтоўцы будучых сумесных вучэнняў "Арарат-Антытэрор 2019". Гэтай восенню яны пройдуць у Арменіі. Удзельнічаюць прадстаўнікі спецслужбаў з 7 краін Садружнасці.