Парушэнняў рэжыму спынення агню ў Данбасе стала больш

Гэта адзначае Арганізацыя па бяспецы і супрацоўніцтве ў Еўропе. Пра гэта паведаміў сёння спецпрадстаўнік старшыні АБСЕ ў кантактнай групе па ўрэгуляванні сітуацыі на ўсходзе Украіны Марцін Сайдзік.

Спецпрадстаўнік падкрэсліў, што маніторынгавая місія ва Украіне самая маштабная і дарагая ў гісторыі АБСЕ. Напрыканцы кастрычніка ў зоне канфлікту быў згублены беспілотны лятальны апарат СММ далёкага радыусу дзеяння. У сувязі з гэтым група яшчэ раз заклікала ўдзельнікаў мінскіх пагадненняў прыняць усе неабходныя меры для стварэння ўмоў для бесперашкоднай дзейнасці наглядальнай місіі.