Новы пасол Ізраіля ўручыў копіі даверчых грамат

Новы Надзвычайны і Паўнамоцны Пасол Ізраіля ў Беларусі Алекс Гольдман-Шайман уручыў копіі даверчых грамат намесніку міністра замежных спраў Сяргею Алейніку. Падчас сустрэчы дыпламаты абмеркавалі ключавыя кірункі ўзаемадзеяння краін. Асаблівую ўвагу надалі арганізацыі двухбаковых кантактаў на высокім узроўні. Таксама пасол выказаў падзяку Беларусі за прынятыя меры па аказанні дапамогі паломнікам-хасідам.