Афіцыйна прадставілі новага кіраўніка ў Камітэце дзяржкантролю

Пасаду старшыні ведамства заняў Іван Церцель, да гэтага ён быў намеснікам старшыні КДБ. Працоўнаму калектыву кіраўніка прадставіў Кіраўнік Адміністрацыі Прэзідэнта Ігар Сергеенка. Учора, прымаючы кадравыя рашэнні, Прэзідэнт адзначыў, што ў КДБ Іван Церцель займаўся кантрольнымі функцыямі ў эканоміцы. І зарэкамендаваў сябе найлепшым чынам. Ён ведае эканамічнае становішча ў краіне і здольны перавесці на новыя рэйкі працу Камітэта дзяржкантролю.