Аддзяленне пасольства Беларусі адкрылася ва Уладзівастоку

Ва Уладзівастоку адкрылася аддзяленне пасольства Беларусі з мэтай працягу ўмацавання эканамічных і культурных сувязяў дзвюх краін. Размова пра тое, што дыпмісія пачне працаваць у сталіцы расійскага Далёкага Усходу, вялася даўно. У рэгіёне праходзіць фестываль "Дні Беларусі ў Прыморскім краі", на галоўнай плошчы Уладзівастока выставілі камунальную, сельскагаспадарчую і будаўнічую тэхніку беларускіх машынабудаўнічых заводаў.

Сёння дзень нараджэннясвяткуе Прэзідэнт Расіі Уладзімір Пуцін. Прэзідэнт Беларусі Аляксандр Лукашэнка павіншаваў расійскага калегу.

"З Вашай стваральнай дзяржаўнай дзейнасцю і беззапаветным служэннем Айчыне непарыўна звязаны абарона нацыянальных інтарэсаў, умацаванне і павышэнне патэнцыялу, ролі і ўплыву Расіі на міжнароднай арэне, стварэнне ўмоў для паступальнага росту эканомікі і дабрабыту расійскіх грамадзян", - гаворыцца ў віншаванні.

Аляксандр Лукашэнка пажадаў кіраўніку расійскай дзяржавы доўгіх гадоў жыцця і моцнага здароўя. Беларускі лідар выказаў перакананне, што пільная ўвага, якую Уладзімір Пуцін надае беларуска-расійскім інтэграцыйным працэсам, будзе і надалей спрыяць умацаванню праверанага часам братэрскага сяброўства паміж двума народамі.