Пандэмія - галоўная тэма саміту СНД у Санкт-Пецярбургу

Упершыню за доўгі час кіраўнікі дзяржаў сустрэліся асабіста. Прыехаў наш Прэзідэнт, а таксама лідары Азербайджана, Арменіі, Казахстана (у тым ліку і першы прэзідэнт гэтай краіны Нурсултан Назарбаеў), кіраўнікі Кыргызстана, Таджыкістана, Туркменістана і Узбекістана. Падстава для сустрэчы знакавая - у снежні СНД споўнілася 30 гадоў. Пасля распаду Савецкага Саюза новае аб'яднанне не проста згуртавала былыя рэспублікі - у першую чаргу адвяло іх ад эканамічнай прорвы.

А сёння ва ўмовах знешняга націску і пандэміі актуальных праблем менш не стала. Таму так важныя своечасовыя палітычныя і эканамічныя кантакты.

Нумар адзін сёння - супрацоўніцтва ў сферах эканомікі, бяспекі і аховы здароўя. Распаўсюджванне новых штамаў каранавіруса абавязвае дзяржавы аператыўна прымаць меры. Які эпідэміялагічны прагноз і наколькі небяспечны "амікрон" - наконт гэтага ў беларускага лідара адбылася дыскусія з галоўным санітарным урачом Расіі. Закуліссе саміту і падрабязнасці перамоў у Ілоны Красуцкай.