Парламент выбраў кіраўніцтва камісій

Дэпутаты плануюць падкарэктаваць Падатковы кодэкс, удасканальваць банкаўскае заканадаўства, унесці праўкі ў закон аб партыях і комплексна перапрацаваць Кодэкс аб культуры. І гэта толькі частка заканадаўчай працы, якая чакае новае скліканне. Пра гэта дэпутаты распавялі сёння з галоўнай трыбуны Авальнай залы, прадстаўляючы фронт працы сваіх профільных камісій. Нагадаем, парламент сёння выбраў іх кіраўніцтва. У кіруючым складзе 14 чалавек. Кожны адказвае за пэўны кірунак - бюджэт і фінансы, аграрную палітыку, нацыянальную бяспеку, навуку, адукацыю і т. д. Неўзабаве стануць вядомыя імёны тых, хто ўвойдзе ў склад камісій. Пасля гэтага парламентарыі будуць гатовыя пачаць працу над законапраектамі.

Сёння ў Палаце прадстаўнікоў ужо каля 30 законапраектаў. Але дэпутаты грунтоўна возьмуцца за дапрацоўку ў наступным годзе. Восеньская сесія завяршаецца, яе ўрачыста закрыюць у наступную пятніцу, 20 снежня.