Парламент завяршыў працу вясновай сесіі

Нацыянальным брэндам павінны стаць не толькі перамогі на палях спартыўных, але і пазітыўная дынаміка ў бізнесе, а гэта камфортныя і прадказальныя ўмовы. Гэта арыенцір для распрацоўкі і прыняцця новых нарматыўна-прававых актаў на найбліжэйшы час. Сёння парламент завяршыў працу вясновай сесіі. Але ўжо плануе працу да восені. Пад заслону заканадаўцы прынялі папраўкі ў Крымінальны і Працоўны кодэксы і прагаласавалі за новы механізм дзяржзакупак.

Таксама сёння сабраліся і на сумеснае пасяджэнне. На пытанні парламента адказаў урад. Падрабязна Святлана Лук’янюк.

Сёння ад урада адказ перад дэпутатамі і сенатарамі трымаў віцэ-прэм'ер Васіль Жарко. Ён курыруе сацыяльную сферу, таму ў зале абмяркоўваліся адукацыя, ахова здароўя, спорт і культура. Што тычыцца медыцыны, то тут у першую чаргу кадры. Як запэўніў віцэ-прэм'ер, паліклінікі і бальніцы ўкамплектаваныя на 97 %. Заяўкі па гэтым годзе будуць закрытыя. Сёлета дабудуюць і адкрыюць бальніцы ў Оршы, Мёрах і Гомельскую дзіцячую абласную.

Калі гаварыць пра экспарт медпаслуг, то за першы квартал зарабілі 15 мільёнаў долараў. Прадаем за мяжу і лекі. Крыху больш за палову ад выпуску. Журналісты спыталі ў віцэ-прэм'ера аб сістэме дзяржзакупак медабсталявання пасля гучных карупцыйных спраў у гэтай сферы.

Віцэ-прэм'ер паабяцаў, да канца года пенсіі яшчэ пералічаць. Але на колькі не гавораць. Усё залежыць ад выніковасці працы эканомікі і росту сярэдняй зарплаты. Сам рынак працы чакаюць навацыі. Дэпутаты сёння прагаласавалі за папраўкі ў Працоўны кодэкс наконт працы па удалёнцы. Гэта і працягласць рабочага часу, і водпуск.

Падтрымалі сёння дэпутаты і прапановы аб бацькаўскім водпуску на 14 дзён пасля нараджэння дзіцяці і магчымасць выхаду з дэкрэта для мамы раней чым праз 3 гады. Пры гэтым, як запэўніў віцэ-прэм'ер, пытанне крокавай даступнасці дзіцячых садкоў вырашыцца да 2020 года.

Пад заслону сесіі дэпутаты сёння ў першым чытанні падтрымалі і папраўкі аб змякчэнні крымінальнай адказнасці па эканамічных злачынствах і што тычацца наркотыкаў. Павялічаны памеры ўрону - буйны ў 4 разы большы за тысячу базавых і асабліва буйны ўдвая - дзве тысячы. Скасавана і агульная канфіскацыя, толькі на суму, якая прызнаная незаконна заробленай.

9 праектаў законаў сёння ў завяршэнне вясновай сесіі разгледзелі і прынялі сенатары. Сярод іх па дзяржзакупках. Гэта крок да развіцця добрасумленнай канкурэнцыі, павышэння празрыстасці працэсу і эфектыўнасці выдаткоўвання грошай з дзяржказны. Ствараецца дзяржаўная інфармацыйная аўтаматызаваная сістэма па кіраванні ўсім працэсам.

У найбліжэйшыя тры месяцы да адкрыцця восеньскай сесіі (гэта 2 кастрычніка) дэпутаты і сенатары зоймуцца падрыхтоўкай новых праектаў законаў. Галоўны з іх - праект бюджэту на 2019 год. Як запэўнівае Мінфін, яго плануюць з прафіцытам, гэта значыць, зарабляць будзем больш, чым траціць з дзяржказны. Даходы ад працы рэальнага сектара, цана на нафту і нафтапрадукты пойдуць і на пагашэнне дзярждоўгу. Пакуль аб памеры прафіцыту гаварыць рана, трэба пралічыць усе выдаткі і даходы. Гэтым зоймуцца і парламентарыі. Яны бяруць удзел у працы групы, якая і займаецца распрацоўкай праекта бюджэту на наступны год.