Парламентарыі аб заўтрашнім Пасланні Прэзідэнта

Пасланне - гэта арыенцір у працы для ўсіх: дзяржаўных органаў, грамадскіх арганізацый, суб'ектаў гаспадарання і для кожнага грамадзяніна. Пра гэта заявіла Старшыня Савета Рэспублікі Наталля Качанава сёння, калі адкрывала пазачарговую парламенцкую сесію. Нагадаем, на падставе канстытуцыі Кіраўнік дзяржавы прыняў рашэнне аб скліканні пазачарговай сесіі Палаты прадстаўнікоў і Савета Рэспублікі для звароту са штогадовым Пасланнем Прэзідэнта беларускаму народу і Нацыянальнаму сходу.

Спікер верхняй палаты парламента адзначыла, што ў гэтым дакуменце вызначаюцца асноўныя кірункі забеспячэння эканамічнага росту, гарантавання грамадскай бяспекі і правапарадку, сацыяльнай абароны, рашэння дэмаграфічных і іншых праблем, а таксама ўмацавання пазіцый Беларусі на міжнароднай арэне. Увага да Паслання традыцыйна вялікая. Гэта праграмнае выступленне, у якім Кіраўнік дзяржавы аналізуе стан спраў, фармулюе найважнейшыя задачы і мэты сацыяльна-эканамічнага развіцця на перспектыву. Цяперашняе Пасланне прыпадае на няпросты перыяд, падкрэсліла Наталля Качанава. Складаная эпідэміялагічная сітуацыя і, як следства, яе ўплыў на эканоміку, а таксама палітычная кампанія - усё сышлося разам. І сёння важна захаваць стабільнасць і эвалюцыйнае развіццё ва ўсіх сферах. Сваімі чаканнямі падзяліліся парламентарыі абедзвюх палат.

"Усе чакалі, што пасля пандэміі свет стане мякчэйшым, дабрэйшым, усе пачнуць супрацоўнічаць, але насамрэч усё адбываецца нашмат больш жорстка. Кожны абараняе свае нацыянальныя інтарэсы. Кожны імкнецца атрымаць у гэтых умовах перавагі. У першую чаргу, у гандлёвай і эканамічнай сферах. Але асобныя буйныя гульцы - нават у геапалітычнай плоскасці. Таму, вядома, сёння гарантаваць грамадскую бяспеку ў краіне - гэта асноўная задача ўлады і, я ўпэўнены, што яна справіцца з гэтай задачай".