Падрыхтоўка да парламенцкіх выбараў працягваецца

Гэтымі днямі праходзіць вылучэнне кандыдатаў у Савет Рэспублікі.

Гэта права належыць прэзідыумам мясцовых Саветаў дэпутатаў базавага ўзроўню і выканкамам. Вылучэнне прадоўжыцца па 8 кастрычніка ўключна. Дарэчы, некаторыя рэгіёны ўжо завяршылі гэты этап. Вылучэнне апошняга кандыдата сёння адбылося і ў Гомельскай вобласці. Пасяджэнне па гэтым пытанні прайшло ў Рэчыцы. На разглядзе кандыдатура Аляксандра Ляхава - кіраўніка адной з перапрацоўчых вытворчасцяў Беларусі і члена Савета Рэспублікі Нацыянальнага сходу шостага склікання. За яго вылучэнне ўдзельнікі прэзідыума прагаласавалі аднагалосна.

Усе вобласці і Мінск ужо вызначыліся з кандыдатамі ў члены Савета Рэспублікі. Гэта прадстаўнікі розных сфер. Сярод іх - дзеячы мастацтваў, журналісцкай сферы, мытні, прамысловасці. Усяго ў Савет Рэспублікі вылучаюцца 8 кандыдатаў ад кожнай вобласці і 8 ад Мінска - яшчэ 8 прызначае Прэзідэнт.