Пасол Ірана завяршае дыпламатычную місію ў Беларусі

Рэвізія двухбаковых адносін, узаемны гандаль і новыя праекты ў прамысловасці. Прэзідэнт Беларусі сёння сустрэўся з паслом Ірана.

Саід Яры завяршае сваю дыпмісію ў нашай краіне. І апошні час усе намаганні былі накіраваны на падрыхтоўку сустрэчы лідараў Беларусі і Ірана.

У сярэдзіне сакавіка плануецца візіт Аляксандра Лукашэнкі ў гэтую краіну, дзе абмяркуюць пытанні супрацоўніцтва, рэгіянальнага і міжнароднага парадку дня. І сённяшняя размова, напэўна, добрая нагода ацаніць якасць адносін паміж Мінскам і Тэгеранам у розных сферах.

Палітычныя адносіны паміж краінамі на высокім узроўнi. Традыцыйна сустрэчы прэзідэнтаў адбываюцца падчас Шанхайскага саміта. Апошнія перамовы ў Самаркандзе надалі моцны імпульс літаральна ва ўсіх сферах. Падчас самiта Шанхайскай арганiзацыi cупрацоўнiцтва на найбліжэйшыя гады краіны рыхтуюць дарожную карту. Таму вiзiту Прэзiдэнта у Iран надаюць асаблiвае значэнне.

За мінулы год тавараабарот павялічыўся ў тры разы і перавысіў 100 млн долараў. Вялікі патэнцыял у прамысловасці. Гэта пастаўкі нашай горназдабываючай тэхнікі, а таксама трактароў, камунальнага і пасажырскага транспарту. У перспектыве павінен з’явіцца авіярэйс Мінск - Тэгеран. Ужо ёсць дамовы.