Глядзець анлайнПраграма ТБ
ПалітыкаЭканомікаПрэзідэнтГрамадстваУ свецеРэгіёныКультураЗдарэнніЗдароўеСпортТэхналогііКругагляд

Пастаяннае прадстаўніцтва Беларусі ў Жэневе выступіла з заявай у адказ прадстаўніку УВКПЧ

Пастаяннае прадстаўніцтва Рэспублікі Беларусь пры аддзяленні ААН і іншых міжнародных арганізацыях у Жэневе выступіла з заявай у адказ на пазіцыю Руперта Колвіла, афіцыйнага прадстаўніка Упраўлення Вярхоўнага камісара ААН па правах чалавека, дзе ён усумніўся ў законным затрыманні рэдактара экстрэмісцкага тэлеграм-канала. Дыпмісія чарговы раз звярнула ўвагу, што кампетэнтнымі дзяржаўнымі органамі Беларусі грамадзянін Раман Пратасевіч прызнаны падазроным па некалькіх крымінальных справах у адпаведнасці з законамі Рэспублікі Беларусь, у сувязі з чым быў аб'яўлены ў міжнародны вышук. Ён затрыманы праваахоўнымі органамі на законных падставах у міжнародным аэрапорце Рэспублікі Беларусь.

Мы паважаем асабістыя перакананні Руперта Колвіла і вярхоўнага камісара, якога ён прадстаўляе, у тым ліку клопат наконт стану Рамана Пратасевіча, які, быўшы затрыманым, працягвае карыстацца ўсімі правамі і нясе ўсе абавязкі беларускага грамадзяніна, але лічым недарэчным іх выказванне ў афіцыйным публічным дакуменце ад імя Арганізацыі Аб'яднаных Нацый.

Мы патрабуем доказаў, а не дэманстрацыі "прабіркі з зубным парашком", якія пацвярджалі б абгрунтаванасць выкарыстання адзначаных недапушчальных кваліфікацый у адрас дзеянняў Беларусі. "Пры адсутнасці такіх доказаў патрабуем публічных выбачэнняў", - рэзюмавалі ў пастаянным прадстаўніцтве.