Прэзідэнт Аляксандр Лукашэнка сустрэўся з губернатарам расійскага рэгіёна

Нацэленасць на праекты, якія даюць вынік. Госці з Прыморскага краю сёння ў беларускай сталіцы.

Прэзідэнт Аляксандр Лукашэнка сустрэўся з губернатарам расійскага рэгіёна Алегам Кажамякам. Эканамічныя сувязі Беларусі з гэтым даўнім і перспектыўным партнёрам на Далёкім Усходзе дужэюць. Не перашкодзіла і пандэмія, хоць лічбы тавараабароту паспелі трохі прасесці. Але паказчыкі студзеня - шанец не толькі выйсці на ранейшы ўзровень узаемадзеяння, але і перасягнуць яго. Рэалізаваны шэраг сумесных праектаў. У бакоў ёсць імкненне і далей нарошчваць не толькі ўзаемны гандаль, але і ахопліваць новыя сферы і кірункі.

Аляксандр Лукашэнка, Прэзідэнт Рэспублікі Беларусь: "Мы разам нацэленыя на пэўны вынік. І нам не можа перашкодзіць ні пандэмія, ні знешнія спробы расхістаць палітычную сітуацыю ні ў нас, ні ў вас. Падзеі апошніх месяцаў паказалі, што ў нялёгкія моманты выпрабаванняў, падкінутых нам звонку, абедзве краіны могуць разлічваць на падтрымку і дапамогу".

Сярод ключавых кірункаў узаемадзеяння - машынабудаванне і пастаўкі харчавання. У расійскага рэгіёна ёсць цікавасць да напрацовак і тэхналогій беларускай будаўнічай галіны. У прыватнасці, па прыцягнення нашых спецыялістаў да праектавання і ўзвядзення жылля, аб'ектаў сацыяльнай сферы. Алег Кажамяка запрасіў беларускага лідара асабіста пабываць у Прыморскім краі ў верасні. Дарэчы, восенню ва Уладзівастоку адкрыецца і Беларускі гандлёвы дом.