Прэзідэнт Беларусі прыбыў з рабочым візітам у Расію

Сёння ў Маскве адбудуцца перамовы прэзідэнтаў Беларусі і Расіі.

Аляксандр Лукашэнка ўжо прыбыў у расійскую сталіцу з рабочым візітам. Чакаецца, што кіраўнікі дзяржаў абмяркуюць саюзныя праграмы (іх 28), а сам дыялог стане фінальнай зверкай гадзіннікаў перад падпісаннем знакавых дакументаў. Перамовы павінны адбыцца літаральна праз некалькі гадзін.

Вядома, што агульная згода па ўсіх праграмах дасягнута. Сярод самых прыкметных: дамоўленасці ў эканамічнай інтэграцыі. Гэта ў першую чаргу адзінае падатковае заканадаўства. Акрамя сацыяльных дарожных карт ёсць яшчэ і рэсурсныя - так Мінск і Масква прадоўжаць фарміраванне агульнага рынку нафты і газу. Сустрэча абрастае чуткамі, зрэшты, эксперты ўпэўненыя: ні пра якую страту суверэнітэту размова не ідзе.

Дарэчы, калі Прэзідэнты адобраць усе 28 праграм, то падпісаць дакументы плануецца на Вышэйшым дзяржсавеце Саюзнай дзяржавы. Яго пасяджэнне назначана на другую палову восені. Урады ж збяруцца заўтра ў Мінску на саюзным Саўміне. Дэталі перамоў даведаемся зусім хутка - яны прызначаныя на другую палову дня.