Прэзідэнт Беларусі бярэ ўдзел у саміце ЕАЭС у Ерэване

Ерэван сёння прымае саміт ЕАЭС. Пасяджэнне Вышэйшага Еўразійскага эканамічнага савета праходзіць гэтымі хвілінамі ў Дзяржаўнай рэзідэнцыі Прэзідэнта Арменіі.

Паводле афіцыйнага пратакола, незадоўга да пачатку перамоў лідары краін ЕАЭС сабраліся для сумеснага фота. Зараз актуальныя інтэграцыйныя пытанні абмяркоўваюць у вузкім саставе, далей поўнафарматны дыялог працягнецца ўжо з членамі афіцыйных дэлегацый. Эканамічнае супрацоўніцтва, фінансавая палітыка, энергетыка, асноўныя кірункі міжнароднай дзейнасці і развіццё партнёрства з трэцімі краінамі - на парадку паўтара дзясятка пытанняў.

Чакаецца, што беларускі бок агучыць свае прапановы і вылучыць шэраг ініцыятыў. Найбольш адчувальны для Беларусі - размеркаванне сум увазных мытных пошлін паміж дзяржавамі. Праца па іх пераглядзе вядзецца з 2017 года, кожная краіна адстойвае найбольш выгадны для сябе варыянт - пакуль знайсці кампраміс так і не ўдалося.

Яшчэ адно пытанне - ліквідацыя выняццяў і абмежаванняў у ЕАЭС - іх у Еўразійскім эканамічным саюзе зафіксавана 52. Сёння на саміце кіраўнікі дзяржаў павінны вызначыцца, дзе і калі пройдзе чарговае пасяджэнне Вышэйшага Еўразійскага эканамічнага савета.

У наступным годзе старшынства ў ЕАЭС пяройдзе да нашай краіны, і Аляксандр Лукашэнка ў сваім выступленні на сённяшнім саміце пазначыць пазіцыю Беларусі па актуальных інтэграцыйных пытаннях. Падрабязнасці - у нашых наступных выпусках.