Прэзідэнт Беларусі кіраўніку Рэспублікі Тыва: Трэба закладваць моцны падмурак пад наша супрацоўніцтва

Кіраўнік дзяржавы сёння сустрэўся з губернатарам Рэспублікі Тыва. Дэлегацыя гэтага расійскага рэгіёна ўпершыню ў Мінску.

Сам кіраўнік края Уладзіслаў Хавалыг нядаўна на пасадзе, першачарговай задачай для сябе лічыць пашырэнне геаграфіі партнёрства. Таму сёння вызначылі асноўныя прыярытэты сумеснай працы на будучыню. Па-першае, гэта павелічэнне гандлю. У гэтым плане паказчыкі пакуль сціплыя. Ёсць патрэбнасці ў Тывы ў нарошчванні прамысловага патэнцыялу. Нашы магчымасці расійскія госці ўбачаць, калі наведаюць машынабудаўнічыя заводы. У Тыве распрацавана праграма па павышэнні якасці пасажырскіх перавозак, патрэбны сучасны транспарт. Беларусы гатовы арганізаваць пастаўкі, а таксама падзяліцца вопытам і сваімі напрацоўкамі ў сельскай гаспадарцы. Беларускія прадукты харчавання ў Тыву не пастаўляюцца, але нягледзячы на адлегласць 5 тысяч кіламетраў, можна стварыць аптымальную лагістыку.

Аляксандр Лукашэнка падкрэсліў, што Беларусь гатова прапанаваць рэгіёну ўсё, што трэба. А дамовіцца партнёры змогуць! Шматабяцальнымі ў двухбаковых адносінах Прэзідэнт назваў не толькі прамыя пастаўкі, але і кааперацыю ў прамысловасці, экспарт паслуг і трансфер тэхналогій. Адзін з перспектыўных напрамкаў - АПК.

Закранулі на сустрэчы і сітуацыю з развіццём пандэміі і лячэннем каранавіруса. Аляксандр Лукашэнка чарговы раз падкрэсліў, што нашы краіны ўзялі правільны курс, і расказаў аб асабістым вопыце супрацьстаяння вірусу.

У Беларусь з візітам расійская дэлегацыя прыехала на пяць дзён. Праграма насычаная. Госці наведаюць Парк высокіх тэхналогій, Аршанскі льнокамбінат, МТЗ і некалькі малочна-таварных комплексаў.

У Беларусь з візітам расійская дэлегацыя прыехала на пяць дзён. Праграма вельмі насычаная. Госці наведаюць Парк высокіх тэхналогій, Аршанскі льнокамбінат, МТЗ і некалькі малочна-таварных комплексаў.